Населбата се наоѓа  во крајниот западен дел на Општината, нејзиниот атар граничи со Општина Кратово и Клечовце. Од Општинскиот центар е одалечено 7 km а од магистралниот пат 5 km и има солидна поврзаност со соседните населби. Населбата е од растурен маалски тип и потекнува од доцно античко време за што говорат и локалитетите од тој период: Блидеж и Лутавчина .

Населбата се наоѓа во крајниот  југозападен дел од територијата на Општината ,сместена е од десната страна на Крива Река и низ селото поминува  малата Ветуничка река . Селото е од растурен маалски тип , потекнува од доцното  античко време , од кое е и потеклото на  археолошкиот локалитет Грамади. Населбата лежи непосредно на магистралниот пат Куманово-Ранковце - Крива Паланка што значи дека е во добра комуникативна положба со околните населени   места . Одалечена е од Општината 2 км со автобуска станица која се наоѓа на околу 600 м од центарот на селото

Населбата се наоѓа на јужниот  дел на Славишко Поле недалеку од магистралниот пат Куманово- Ранковце -Кр. Паланка што покажува дека комуникациски е добро поврзано. Од општинскиот центар е одалечено 4 km . Во непосредна близина на селото тече Крива река (на околу 500 м) , селото е од рамничарски тип и изобилува со квалитетни земјоделски површини  , затоа е погодно за земјоделско производство. Во селото живеат 311 жители и тоа 304 македонци , 2  се декларираат како срби, 4 роми  и 1 останато.