---

Селото се наоѓа во средишниот дел на општина Ранковце , селото е ритско-планинско и од разбиен тип. Од општинскиот центар е одалечено 4 km , комуникациската поврзаност со општинскиот центар е со асфалтен пат меѓутоа нема автобуска врска.
Во селото според податоците од последниот попис живеат 157 жители ,сите од македонско етничко потекло и со православна вероисповест.

---

Се наоѓа во средишниот дел на Славишко поле,од десната страна на Крива река на магистралниот пат кој води кон Деве Баир- Бугарија и претставува центар и седиште на општината. Селото се состои од урбанизиран дел кој е сконцентриран во непосредна близина на магистралниот пат и маала од разбиен тип во поодалечениот дел од селото.
 Во селото според податоците од последниот попис живеат 1129 жители од кои 57 се роми ,
2 срби ,5 се во останатите етнички групи додека сите останати се македонци.
Во поглед на верската припадност освен православни христијани има , 18 жители од муслиманската религија и 1 припадник во групата од останатите религии.

Селото се наоѓа на северозападниот дел на општина Ранковце , од општинскиот  Центар е одалечено 18 km до почетокот на селото води асфалтен пат . Селото е од ритско-планински разбиен тип со маала кои се протегаат  на надморска висина и од 800- 1020 m , до нив се доаѓа земјани патишта кои не се во задоволителна состојба посебно во зимскиот период.